RD
------
Ja si bandat e PS vranë dhe dogjën të gjallë policët gardistë
Masakra e Cërrikut, akuzë për Nanon dhe PS
Në Cërrik, më 23 maj 1997 u vranë gardistët (Sali Martini, 41-vjeç, Besnik Syla, 26-vjeç, Halit Haxhia, 27-vjeç, Qemal Mehmeti, 25 –vjeç, Bashkim Mella)
Çdo ditë që kalon qysh prej 23 majit të vitit 1997 qartëson gjithnjë dhe më shumë se pas kryegritjes së armatsour të pranverës së atij viti dhe sidomos pas masakrës së gjashtë gardistëve vrarë në Cerrik, qendron Partia Socialiste, Fatos Nano dhe drejtuesit kryesor të saj.Shumë pytje janë bërë qysh atëherë rreth faktit se kush e organizoi pritën dhe vrau gardistët të cilët kishin shkuar për të mbrojtur popullin nga bandat. Për të provuar se kuhs ishte me të vertetë pas organizimit të vrasjes së gardistëve në Cërrik del qartë, nëse vërejmë disa dëshmi të marra nga dëshmitarë okularë, pjesëmarrës të armatosur në atë periudhë. Kush e organizoi e kush ishin autorët e vrasjes së ushtarëve në Cërrik, përgjigjet një naor i Cerrikut. Ai thotë se jam me banim në Cërrik dhe kam parë me sytë emir se organizator i vrasjes ishte Met Bozi. Dheë rrefimi vazhon "Unë kështu e njoh, ai bashkë me Roland Xhepaxhiun, Arjan Toska e vëllezërit e Arjanit dhe fëmijët e mi, të organizuar nga Met Bozi e bënë këtë vrasje. Ushtarët, pasi vajtën në Shalës u kthyen në Cërrik. Kur u mor vesh se ushtarët kanë shkuar në Cërrik, Met Bozi vjen tek postblloku, merr grupin, i cili përbëhej nga pjestarët të inkriminuar, hipën në një furgon të bardhë dhe u nisën në drejtim të Cërrikut...Jam me banim në adresën e mësipërme dhe dua të them si ka qenë fillimi i trazirave kur vëllai im, Arjani i Shegës, një ndër pjestarët e bandës së Cërrikut më merr nga Belshi ku jetonim, dhe më thotë: "Do vish me mua në Cërrik, se do të punosh me ne". I detyruar pranova të shkoj në Cërrik.
I pyetur se çfarë di për ngjarjen e vrasjen e gardistëve në Cërrik deshmitari përgjigjet.
"Ka qenë mëngjes i një dite, e cila nuk më kujtohet data, ishim duke bërë shërbim në bostobllok te kryqëzimi i Belshit, për të grabitur mjetet që lëviznin me pretekstin "ndihmoni lëvizjen". Papritur vjen me një furgon të bardhë nënkryetari i Partisë Socialiste të Cërrikut, Ahmet Bozi, vinte hera-herës e na shkikonte. Ai na premtonte se pas marrjes së pushtetit nga ana e socialistëve përveç faktit se nuk do të na prekte policia, do të na bëheshin edhe privilegje. Atë ditë nënkryetari i Partisë Socialiste kishte qëllime të tjera. Ai na tha se kanë ardhur forca nga Tirana, të cilat ne ushtarët duhet t’i vrisnim.
Pritëm rreth një gjysëm ore, pasi hymë në Cërrik. Në furgonin e bardhë që pruri Met Bozi hipën: Roland Xhepaxhiu, Arjan Toska, Sokol Buzani, Tomorr Buzani, Bujar Buzani Luan Buzani, Bashkim Buzani e disa të tjerë që ishin pranë në ato momente.
Unë qëndrova tek postblloku. Kur u kthyem, mora vesh së ushtarët e Gardës i kishin vrarë dhe dua të them se Met Bozi dhe anëtarë të tjerë të Partisë Socialiste ishin organizatorët e këtij krimi."
Nga këto dëshmi e të tjera të këtij lloji të marra në atë kohë, kur filloi zbardhja e çështjes, tregon se organizata e Partisë Socialiste në Cërrik ishte një organizatë e mirëfilltë terroriste, e cila kishte detyra të qarta terroriste e drejtohej nga kryetari e nënkryetari i kësaj organizate, Bici e Bozo.
Merret me mend se udhëzimet i merrnin nga qendra e patjetër kanë pasur lidhje të ngushta me kandidatin për deputet të asaj zone, Rexhep Meidani dhe kryetarin e PS i sapoliruar nga burgu Fatos Nano. Organizatorë të vrasjes siç del edhe nga dëshmitë e intervistave të ndryshme janë kryetari i Partisë Socialiste të Cërrikut, Bici, e nënkryetari i kësaj organizate, Ahmet Bozi, i përzier direkt në ngjarje. Organizata e Partisë Socialiste Cërrik, sipas të gjithë provave që s’kanë nevojë për asnjë koment, ishte kthyer në një organizatë terroriste mafioze e lidhur me bandat nën urdhërat strikt të drejtuesve të saj të lartë, pasi dihet centralizimi i kësaj partie të vjetë rkomuniste e cila funksionon vetëm me urdhëra të prerë nga lart.
Eshtë i njohur episodi në hyrje të Cërrikut ku përballë njëri-tjetrit qëndronin të varur dy portrete, ai i kriminelit Enver Hoxha e ai i kandidatit për deputet të asaj zone, ish-sekretarit të Përgjithshëm të PS-së, Rexhep Meidani. Asnjë nuk mund të kalonte në atë rrugë pa zbritur në tokë, për t’i bërë temenatë e rastit e pa dhënë kontributin për lëvizjen (se kush ishte kjo lëvizje e qëllimshme e saj duhet pyetur Meidani).
Banda që masakroi gardistët ka shoqëruar Rexhep Meidanin dhe drejtuesit elartë të PS në fushatën elektorale. Nuk lejonte të shitej në Cërrik asnjë gazetë tjetër përveç "ZP"-së, "Koha Jonë" e ndonjë gazetë tjetër majtiste. Nuk lejoi që përballë Rexhep Meidanit të konkuronin konkurentë të partive të tjera, pra ishte e vetmja alternativë (këto nuk është e vështirë të verifikohen). Kjo bandë mblodhi kutitë e votimit (votimi i zhvilluar nën kërcënimin e armëve të tyre) nxori rezultatin, plotësoi procesverbalin, dorëzoi tek shoku "Meidani" mandatin. Tashmë janë të provuara (dihen) lidhjet e Meidanit dhe të Nonos me këtë bandë e quajtur "banda e Cërrikut". Lidhjet e tij me kryetarin e nënkryetarin e PS, Cërrik, Bici e Bozi (ndërmjetës e transportues udhëzimesh e urdhërash për bandën). Këto lidhje janë zanafilla e zbardhjes së masakrës së Cërrikut.
Kjo ngjarje nuk ka asnjë enigmë për të zbuluar, ajo ndodhi në mes të ditës, në vëzhgimin e mijëra syve, nën vëzhgimin e gazetarëve e fotoreporterëve të gazetës "Koha Jonë" (të cilët morën jo pak intervista e bënë fotografime).
Duke qenë i bindur në zgjidhjen shumë të lehtë të enigmës tashmë të masakrës së Cërrikut, ku u vranë gjashtë gardistë në krye të detyrës në përpjekje me bandat kriminale, lind vetiu pyetja: Kujt i intereson që të mos zbardhet e vërteta?
Asgjë nuk harrohet...Ç’ndodhi në Cërrik? Kush qëlloi mbi gardistët? Pse heshti shteti?
A e ndjen veten të qetë, ti zoti zoti Nano ? Në cerrik shëtitorja ka ende plagën e gjakut të shokëve tanë. Ato s’lanë më asgjë, as njolla ndërgjegjeje, ashtu rrinë të skuqura, deri sa të vendoset drejtësia, deri sa të zbardhet e vërteta. Këto njolla gjaku janë edhe mbi mandatin tënd si kryeministër, në fronin ku rri ulur, në trupin tënd. Këto pika gjaku kërkojnë drejtësi.
Çfarë di zoti Nano për
masakrën e Cërrikut ?
Ngjarja e Cërrikut është fillesa e goditjes së njerëzve të shtetit. Vrasjet politike të urdhëruara nga PS u shpeshtuan, u bënë të zakonshme, deri sa arritën të vrisnin dhe simbolin e pluralizmit, heroin e demokracisë, Azem Hajdarin. Për ngjarjen e Cërrikut janë bërë shumë pyetje, përgjigjet e të cilave mund të zbardhin masakrën. Pse, qysh, e si ndodhi, të cilat deri tani duhet të ishin parashtruar nga organet kompetente e t’u jepet përgjigje.
Kush qëlloi mbi gardistët, pse shteti vazhdon të heshtë për këtë ngjarje të rëndë, kush ideoi, përgatiti e ekzekutoi masakrën e Cërrikut? Kush bëri pritën? Çfarë dinë Rexhep Meidani dhe fatos Nnao për të, lidhjet e tij me kryetarin e PS-së, Cërrik, Bici, e nënkryetarin e saj, Bozi, organizatorët e masakrës (ata ishin shoqëruesit e tij gjatë fushatës elektorale)? Kush i dërgoi armët në pritë, cilët ishin njerëzit e pritës? Pse s’është pyetur për ngjarjen gazetari i "Koha Jonë", që fotografoi gardistët e djegur, kush janë këta, si u ndodhën në vendngjarje apo ishte rastësi? Në cilën familje u mbajtën peng e u fotografuan dy nënoficerët? Armatimet e fotografuara mbi pallatin pesëkatësh, kujt i përkasin dhe kush i ka vendosur atje? Kush ishte pronari i furgonit të bardhë me targë EL 0531? Kush u lidh me radio nga Elbasani, me kë u lidh e kush ishte ai që u përgjigj: "Do t’ua rregullojmë ne qejfin atyre" Duke pasur parasysh një intervistë të dhënë nga kryetari i PS-së Cërrik, Bici, i cili deklaronte se për ruajtjen e qytetit, na kanë ardhur në ndihmë njerëz nga Vlora, Gramshi e qytete të tjerë. Kush i dërgoi këta njerëz, cilët ishin këta njerëz? Çfarë lidhje ka Neritan Ceka me ngjarjen, çfarë di për të? Po roli i Skënder Gjinushit e i Zani Caushit cili është në këtë ngjarje? Banorët e pallateve pesëkatëshe nga erdhi zjarri më i dendur dinë shumë gjëra mbi këtë ngjarje, atëherë a ishin të frikësuar.
Pse u ndërprenë hetimet për masakrën e Cërrikut e përse dosja e Cërrikut u bashkua me dosjen e ngjarjes së Spitalit Ushtarak, kur dihet se këto ngjarje nuk kanë asnjë lidhje direkte me njëra–tjetrën?.
Këto e dhjetra pyetje të tjera kërkojnë përgjigje, përgjigja e tyre zbardh enigmën, tregon kriminelët. Për organet e specializuara kjo është një ngjarje që mund të zbardhet fare lehtë. Ju nuk doni, pse nuk doni e dini vetëm ju, ne vetëm hamendësojmë. Ne harresën tuaj e quajmë pjesëmarrje në masakër. "E vërteta edhe në fund të detit në qoftë, një ditë del në krye", deklaroi Prof. Dr. Sali Berisha.
E vërteta dikur do të zbardhet, dita erdhi. Zoti u mëshiroftë!
Homazhe e apel për
shpirtin e shokëve
tanë, që nuk jetojnë më
Ky është i gjashti 23 maj që ju kujtojmë. Mblidhemi, bisedojmë për ju, marrim fotografitë tuaja, i shikojmë, vendosim lule të freskëta mbi varret tuaja. Na mungoni, ndjejmë mall për ju… Ju u mungoni familjeve, të afërmve, ne shokëve, na mungoni të gjithëve. Vijmë tek varret tuaja, ulemi e bisedojmë me ju, përkëdhelim barin e gjelbër mbi varre e na duket se po ju përkëdhelim ju. Vendosim lule të freskëta si vetë jeta juaj e freskët, e bukur, që dora kriminale ua këputi në mes.
Mallkim, mallkim, mallkuar qoftë mendja që e thuri, goja që e urdhëroi e dora që bëri ekzekutimin!
Vijmë tek varri me lule ndër duar. Na falni për lotët në sytë tanë, e dimë, trimat që flijohen për atdheun nuk qahen, janë lotë malli, dashurie, janë lotë që na mungoni, na e falni këtë moment dobësie. E dimë se do të na e falni. Ne e njohim zemrën tuaj të madhe. Sa herë përmendet emri Cërrik, më kalojnë të rrënqethura, turbullohem. Në shpirt më ngjallet një ndjenjë urrejtje e hakmarrje. Shumë prej nesh nuk e kishin dëgjuar as nuk e dinim se ku binte Cërriku, deri atë ditë kobëzezë që do të bëhej ajo kasaphanë. Që nga ajo ditë, Cërriku hyri në jetën tonë si pjesë e shëmtuar e saj, u bë si padashje pjesë e dhimbjes sonë, revoltës sonë të heshtur, mallit tonë për shokët… Do të donim që këto ditë t’i shuanim nga ditët tona.
Fahri METALIA J
(Ish-gardist)
---------RD-------
Përgjigju Duke Cituar
Postuar më parë nga nitROSHI
Krijoni Kontakt